HomeWer ist Jesus?ForumChatNewsletterE-Mail SupportKontakt   

Es neus Läbe...

Express yourself! Be creative!

Moderator: firebird

Es neus Läbe...

Beitragvon DavidGee » Mo 22. Sep 2014, 09:43

Hallo Community.

Der Titel "Es neus Läbe" bezieht sich auf einen songtext welchen ich kürzlich geschrieben habe und nun mit meinem ersten posting mit euch teilen möchte. Es ist mein erster songtext seit meiner Umkehr und hoffe es gefällt euch.

Lieber Gruss! David

 Es neus Läbe..

Ich ha mis Läbe gläbt, so als wenn i riich wär,
ich ha scho viel erreicht, trotzdem bini gliich leer,
dur all das Sueche bini langsam vo dem Spiel müed,
alles woni gfunde ha das hät mi zu kei Ziel gfüehrt.

Uf mis gottlose Tribe chan i ewig hoffe,
denn es isch kei Freiheit, wenn i ime Chefig hocke,
doch de Tüüfel git mers Gfühl wie wenn i richtig ligg,
es isch em au bewusst das es dafür mal e Quittig git.

Es treit kei Frücht wenn ich uf verbrännter Erde baue,
die üble Grüch die wänd nur dasi is verderbe laufe,
denn s isch en Trugschluss, was mer wahri Wert nänned,
Wenn mer villes mänschlich nur nüüt geischtliches erkänned.

Oh min Herr ich ha d Dunkelheit verinnerlicht,
bitte Herr, chum und hilf mer us de Finsternis,
du bisch de Mund zu dere Stimm wo i mis Herz spricht,
du bisch de Grund, Du bisch de Sinn wo mir en Wert git.

Chorus:

Ich ha nach Freud gsuecht, numme für de Augeblick,
will i nöd ha wölle gseh das'd Freud mir de Glaube git,
ich ha nach Glück gsuecht, ähnlich wie so mänge Maa,
doch hüt hani erkännt das gottes Liebi niemals ände cha.

Sit langem suechi de Fride, säg bin ich ächt blind?
nei ich ha nöd gseh das ich de Fride im Gebät find,
sit langem suechi d Wahrheit und bi ändlich fündig worde,
wahr isch gottes Liebi, Jesus isch für mini Sünde gstorbe.


Di erschte Text hani gschribe zum was ussäge,
und sit i d Bible lise, lahn is wider ufläbe,
denn sit paar Jahr isch Musig Gschicht, ich has ufgeh,
doch wenn Gott will wird ich de Stift wider ufneh.

Das nöd für Ruhm und Ehr, ich bruche au kei Eigelob,
vor gottes Botschaft chunt nüüt, nöd mal mis eige Brot,
ich blibe treu, au wenn alli mini Liiche wänd,
han is nie bereut, denn Mis Läbe isch i sine Händ.

Bi allem woni mache ha mi immer Agsträngt,
nur bini langi Ziit de falsche Dinge nahgrännt,
was füren Usblick , ich ha soviel Ziit verschwändet,
ganz ohni e Ussicht, doch hät sich darah glich was gändert.

Denn usem nüüt hät mi de Herr mit sine Händ packt,
mich zu sich zoge und us mir en neue Mänsch gmacht,
ich danke Gott, was er git chasch nöd mit Gäld chaufe,
ohni ihn würi wiiterhin nur blind durd Wält laufe.

Chorus:

Ich ha nach Freud gsuecht, numme für de Augeblick,
will i nöd ha wölle gseh das'd Freud mir de Glaube git,
ich ha nach Glück gsuecht, ähnlich wie so mänge Maa,
doch hüt hani erkännt das gottes Liebi niemals ände cha.

Sit langem suechi de Fride, säg bin ich ächt blind?
nei ich ha nöd gseh das ich de Fride im Gebät find,
sit langem suechi d Wahrheit und bi ändlich fündig worde,
wahr isch gottes Liebi, Jesus isch für mini Sünde gstorbe.


Wenn is gnau betrachte, hani uf die Wält gspuckt,
gmacht was mer lieb isch, mich gsuuhled in Selbschtsucht,
ich ha villes immer wider nur uf mich bezoge,
doch de wo mer geh hät, de hani still ufd Siite gschobe.

Ich ha gsoffe , ich ha kifft ohni hehl,
ich ha gsproche mit de Wort us miner giftige Seel,
seb isch wie suuber sii mit bluetige Händ,
nei so chani nöd empfänglich sii fürs guete im Mänsch.

Ignoriert ha di Herr, es isch tragisch,
doch immer wider häsch mi wüsse lah das Du da bisch,
wiso ha di nöd scho früehner wölle erkänne,
hütt bereu ich de Entscheid und tue mi dafür schwer schäme.

Oh min Herr ich ha d Dunkelheit verinnerlicht,
bitte Herr, chum und hilf mer us de Finsternis,
vergib mer mini Sünde , lös mer mini Augebinde,
bring mi uf de richtig Wäg so dasi wahre Glaube finde.

Chorus:

Ich ha nach Freud gsuecht, numme für de Augeblick,
will i nöd ha wölle gseh das'd Freud mir de Glaube git,
ich ha nach Glück gsuecht, ähnlich wie so mänge Maa,
doch hüt hani erkännt das gottes Liebi niemals ände cha.

Sit langem suechi de Fride, säg bin ich ächt blind?
nei ich ha nöd gseh das ich de Fride im Gebät find,
sit langem suechi d Wahrheit und bi ändlich fündig worde,
wahr isch gottes Liebi, Jesus isch für mini Sünde gstorbe.
DavidGee
Newcomer
 
Beiträge: 2
Registriert: Mo 22. Sep 2014, 09:00

Re: Es neus Läbe...

Beitragvon Thelonious » Mo 22. Sep 2014, 19:23

Hi DavidGee!

Ich (das hiesige Foren-"Nordlicht") habe zwar nicht alle Sequenzen des Textes verstanden :oops: , es kling aber gut! :D

Noch 'ne Frage: du schreibst Songtexte, vertonst Du die auch?

VG
Thelo
Das Evangelium weiß: das Verstehen kommt erst nach dem Gehorsam, nicht vorher.
(Søren Aabye Kierkegaard)
Benutzeravatar
Thelonious
Senior-Moderator
 
Beiträge: 14761
Registriert: So 12. Aug 2007, 19:52
Wohnort: In der schönsten Stadt Deutschlands

Re: Es neus Läbe...

Beitragvon Johelia » Mo 22. Sep 2014, 20:22

Sälü DavidGee

ersmal härzlich willkomme im Forum. Freut mi dass mal öper nöis chunt.

I finde Dis lied cool. Äs drückt diner Gfüel gut us. Mir jedefalls gfalts.

We Thelo scho gragt het, git zum lied ou äs müsigli, velecht sogar uf UTube?

Ä chlini frag: Woch über de Tägscht diskutiere oder söle mer's eifach gniesse?

Liebs Grüessli
:praise:

P.S: Sorry ans Foren-"Nordlicht". Wollte auchmal in dialekt antworten. 8-)
If you dont't read the news, you are uninformed.
If you do read the MSM you'r misinformed!
Benutzeravatar
Johelia
Wohnt hier
 
Beiträge: 1804
Registriert: Di 25. Okt 2011, 10:56

Re: Es neus Läbe...

Beitragvon DavidGee » Di 23. Sep 2014, 04:48

Hallo Thelo und Johelia

Vielen Dank für die nette Begrüßung! :)

Es freut mich das euch die Zeilen gefallen. Zu diesem Text gibt es (noch) keine Vertonung aber ich habe früher einige Sachen aufgenommen die noch zu hören sind. Leider war das vor meiner Umkehr und habe so dementsprechend getextet aber es gibt noch ein paar wenige songs die auch heute noch hörbar sind. Anbei die links.

Fühlt euch frei über den Text zu diskutieren oder ihn einfach zu genießen. Es ist beides herzlich willkommen. :)

Lieber Gruss und alles gute!

David


Song: Long island liebi http://soundcloud.com/defg-1/1long-island-liebi

Video clip: Sichtwiis  http://youtu.be/Ijx_W0yJP9c
DavidGee
Newcomer
 
Beiträge: 2
Registriert: Mo 22. Sep 2014, 09:00


Zurück zu Gedichte/Weisheiten/Zitate

Wer ist online?

Mitglieder in diesem Forum: 0 Mitglieder und 1 Gast

Das Forum wird von Livenet.ch & Jesus.ch betrieben

Anzeigen - einfach & günstig! / Kontaktanzeigen - spannend & effektiv!

| Home | Sitemap | Forum | Chat | Newsletter | E-Mail | Dialin | Support | Kontakt | Wer ist Jesus? | Youthmag | Service |
| News | Magazin | Jesus | Ratgeber | Information | ERlebt | Meditation | Kreativgalerie | Member | Pixel4Jesus | Livenet.ch | Gott.info |